ᑭᖑᕚᒃᓴᖏᓐᓄᑦ ᐃᑲᔫᓯᐊᑦ ᒥᑦᓵᓄᑦ
ᑲᓇᑕᐅᑉ ᖃᓄᐃᓕᐅᕈᑎᒋᔭᖏᑦ ᑭᖑᕚᕇᓄᑦ ᐊᑦᑐᐃᔾᔪᑕᐅᓯᒪᔪᑦ ᑭᓇᐅᓂᒥᒃ ᓄᖅᑲᑎᑦᑎᓇᓱᑦᑐᑎᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᓚᐃᓐᓈᖅᑕᐅᓯᒪᓂᖏᓐᓄᑦ ᓄᓇᖃᖅᑳᖅᓯᒪᔪᑦ – ᐊᓯᐊᒍᑦ ᐅᖃᕐᓗᒍ, ᐋᖅᑭᒋᐊᕈᑎᖃᕐᓂᖅ – ᐱᒋᐊᓕᑕᐃᓐᓇᕐᒪᑦ, ᑭᓯᐊᓂᓕ ᐃᓚᖏᑦ ᓇᓗᓇᐃᒃᑯᑕᐃᑦ ᐊᖏᖃᑎᒌᒍᑎᐅᔪᑦ ᑎᑭᑕᐅᓯᒪᓕᖅᑐᑦ.
2009−ᒥ, ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᒪᓕᒐᑎᒍᑦ ᖃᓄᐃᒋᐊᖅᑎᑦᑎᓚᐅᕐᒪᑕ ᒐᕙᒪᑐᖃᒃᑯᓐᓂ, ᐊᑭᓕᖅᑕᐅᔪᒪᓪᓗᑎᒃ ᐱᓂᕐᓗᑦᑕᐅᓯᒪᓂᖏᓐᓄᑦ ᐊᒻᒪᓗ ᐊᓯᖏᓐᓄᓪᓗ ᓱᕋᐃᔾᔪᑕᐅᓯᒪᔪᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᕐᓂᖏᓐᓄᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᖏᓐᓂ. 2019-ᒥ, ᐊᖏᖃᑎᒌᒍᑎᓕᐅᓚᐅᖅᑐᑦ $1.47 ᐱᓕᐊᓐ ᑖᓚᓂᒃ, $200 ᒥᓕᐊᓐ ᓴᓂᕝᕙᖅᑕᐅᓪᓗᓂ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐᑯᓐᓄᑦ ᐊᒻᒪ ᑭᖑᕚᒃᒪᖏᓐᓄᑦ ᐃᑲᔫᓯᐊᑦ ᐊᓂᒍᐃᓯᒪᔪᓄᑦ, ᕿᑐᕐᖓᖏᓐᓄᑦ ᐊᒻᒪ ᐃᕐᖑᑕᖏᓐᓄᓪᓗ. ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐᑯᑦ ᐊᔾᔨᐅᖏᑦᑐᒥᒃ ᑲᓇᑕᓕᒫᒥᒃ ᑲᑎᒪᑎᑦᑎᖃᑦᑕᖅᑐᑦ ᑐᓴᕈᒪᓪᓗᑎᒃ ᑭᖑᕚᒃᓴᖏᓐᓄᑦ ᐃᑲᔫᓯᐊᑦ ᐊᑐᓕᖅᑎᑕᐅᓂᖏᓐᓄᑦ ᐊᐅᓚᑕᐅᓂᖏᓐᓄᓪᓗ 120,000-ᖑᔪᓄᑦ ᐃᓄᓐᓄᑦ.
ᓂᐱᖏᑦ ᐅᓪᓗᒃᑯᑦ ᐃᓕᓐᓂᐊᕐᕕᒻᒥ ᐃᓕᓐᓂᐊᖃᑦᑕᖅᓯᒪᔪᑦ ᑐᙵᕕᒋᔭᐅᖏᓐᓇᕆᐊᖃᖅᑐᑦ ᑕᒪᑐᒧᖓ ᖃᓄᐃᓕᐅᕐᓂᐅᔪᒧᑦ – ᑕᒪᓐᓇ ᐊᖏᖅᑕᐅᓯᒪᔪᖅ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐᑯᑦ ᑲᑎᒪᔨᖏᓐᓄᑦ, ᓂᕆᐅᓐᓂᖃᕐᒥᒻᒪᑕ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐᑯᑦ ᐊᒻᒪ ᑭᖑᕚᒃᓴᖏᓐᓄᑦ ᐃᑲᔫᓯᐊᑦ ᓴᖅᑮᓂᐊᕐᒪᑕ ᒪᑭᒪᐃᓐᓇᕈᓐᓇᖅᑐᓂᒃ ᓴᖅᑭᖅᑕᐅᔪᓂᒃ ᒪᒃᓚᐃᓐ ᐅᓪᓗᒃᑯᑦ ᐊᓪᓚᐃᑦ ᐃᓕᓐᓂᐊᕐᕕᓄᑦ ᖃᓄᐃᓕᐅᕈᑎᒃᓴᓄᑦ ᐊᖏᖃᑎᒌᒍᑎᒧᑦ ᐊᒻᒪ ᐃᑲᔪᖅᓱᐃᔾᔪᑕᐅᒻᒪᕆᓐᓂᐊᖅᑐᑎᒃ ᐊᓂᒍᐃᓯᒪᔪᓄᑦ ᐃᓚᖏᓐᓄᓪᓗ.
ᑲᑎᒪᓂᕆᔭᐅᔪᑦ
ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᑦ (MDSSC) ᐃᑲᔪᖅᑐᐃᓂᐊᖅᑐᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓂᒃ ᐊᓂᒍᐃᓯᒪᔪᓂᒃ ᐊᒻᒪᓗ ᐃᓚᒋᔭᖏᓐᓂᒃ ᐊᑐᕐᓗᑎᒃ $200 ᒥᓕᐊᓐ ᑖᓚᓂᒃ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐ ᑭᖑᕚᒃᓴᖏᓐᓄᑦ ᐃᑲᔫᓯᐊᓂᒃ ᐃᑲᔪᖅᑐᐃᔾᔪᑕᐅᓂᐊᖅᑐᓂ ᑮᓇᐅᔭᖃᖅᑎᑦᑎᓂᕐᒥᒃ ᐱᓕᕆᐊᓂᒃ ᐃᑲᔪᖅᑐᐃᔪᓂᒃ ᐅᖃᐅᓯᕐᒥᒃ ᐊᒻᒪᓗ ᐃᓕᖅᑯᓯᕐᒥᒃ, ᒪᒥᓴᕐᓂᕐᒥᒃ ᐊᒻᒪᓗ ᖃᓄᐃᙱᑦᑎᐊᕐᓂᕐᒥᒃ, ᐃᖅᑲᐅᒪᓂᕐᒥᒃ, ᐊᒻᒪᓗ ᓱᓕᔪᓂᒃ ᐅᖃᐅᓯᖃᕐᓂᕐᒥᒃ. ᑖᒃᑯᐊ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐᑯᑦ ᑭᖑᕚᒃᓴᖏᓐᓄᑦ ᐃᑲᔫᓯᐊᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᐊᖑᔪᑦ ᐱᕕᖃᖅᑎᑦᑎᓚᐅᕐᒪᑦ ᑕᐃᒃᑯᓄᖓ ᐊᓂᒍᐃᓯᒪᔪᓂᒃ ᐃᓚᖏᓐᓂᓪᓗ ᑐᓴᕈᒪᓪᓗᑕ ᑖᒃᑯᓇᓐᖓᑦ ᑐᑭᒧᐊᒃᑎᑦᑎᔾᔪᑎᒋᓂᐊᕋᑦᑎᒍ ᐊᑐᓕᖅᑎᑕᐅᓂᖓᓄᑦ ᑭᖑᕚᒃᓴᖏᓐᓄᑦ ᐃᑲᔫᓯᐊᑦ ᐊᒻᒪᓗ ᑭᐅᔭᐅᖁᓪᓗᒋᑦ ᐱᔭᐅᔭᕆᐊᖃᖅᑐᑦ.
ᖁᔭᓐᓇᒦᕈᒪᓪᓚᕆᑉᐸᕗᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᖅᑎᑕᐅᕙᓚᐅᖅᑐᑦ ᐊᒻᒪᓗ ᐃᓚᖏᑦ ᐃᓚᐅᖃᑕᐅᖃᑦᑕᓚᐅᕐᓂᖏᓐᓄᑦ. ᐃᓱᒪᒋᔭᑎᑦ ᐊᑑᑎᖃᒻᒪᕆᑉᐳᑦ, ᐊᒻᒪᓗ ᐃᑲᔪᕐᓂᖃᕐᓂᐊᖅᑐᑦ ᑐᑭᒧᐊᒍᑎᒃᓴᖏᓐᓂ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᓐ ᑭᖑᕚᒃᓴᖏᓐᓄᑦ ᐃᑲᔫᓯᐊᓄᑦ, ᖃᐅᔨᒪᑦᑎᐊᖁᕙᕗᑦ ᐃᑲᔪᖅᓱᐃᔾᔪᑕᐅᓪᓚᕆᓐᓂᐊᕐᒪᑕ ᐊᓂᒍᐃᓯᒪᔪᓄᑦ, ᕿᑐᕐᖓᖏᓐᓄᑦ ᐊᒻᒪᓗ ᐃᕐᖑᑕᖏᓐᓄᑦ.
