ᐃᓚᒋᔭᐅᓪᓗᓂ $1.47 ᐱᓕᐊᓐ ᑖᓚᐃᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᖃᓄᐃᓕᐅᕈᑎᔅᓴᓄᑦ ᐊᖏᖃᑎᒌᒍᑎᒧᑦ, $200 ᒥᓕᐊᓐ ᑖᓚ ᑭᖑᕚᔅᓴᓄᑦ ᐃᑲᔫᓯᐊᑦ ᓴᖅᑭᖅᑕᐅᓚᐅᖅᑐᖅ ᐊᓂᒍᐃᓯᒪᔪᓄᑦ, ᕿᑐᕐᖓᖏᓐᓄᑦ ᐃᕐᖑᑕᖏᓐᓄᓪᓗ.
ᑐᓂᓯᕕᔅᓴᐅᓂᖓ ᑐᔅᓯᕋᐅᑎᓕᐅᕈᑎᓄᑦ ᓯᕗᓕᖅᐹᖏᓐᓂ ᑮᓇᐅᔭᖃᖅᑎᑕᐅᓂᕐᒧᑦ ᒪᑐᓯᒪᓕᖅᑐᖅ. ᑐᖏᓕᖏᓐᓄᑦ ᒪᑐᐃᓛᖅᑐᑦ ᐅᐊᑦᑎᐊᕈᒃᑲᓐᓂᖅ ᐅᓪᓗᖓ.
ᐃᓱᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐃᑲᔪᖅᑐᐃᓂᖅ ᐊᑐᐃᓐᓇᐅᔪᖅ ᓂᕆᐅᓐᓂᖅ ᖃᓄᐃᙱᑦᑎᐊᕐᓂᕐᒧᑦ ᐊᑐᐃᓐᓇᐅᔪᑦ ᐅᕙᓂ 1-855-242-3310 ᐅᕝᕙᓘᓐᓃᑦ www.HopeForWellness.ca.
ᐃᓱᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐃᑲᔪᖅᑐᐃᓂᖅ ᐊᑐᐃᓐᓇᐅᔪᖅ ᓂᕆᐅᓐᓂᖅ ᖃᓄᐃᙱᑦᑎᐊᕐᓂᕐᒧᑦ ᐊᑐᐃᓐᓇᐅᔪᑦ ᐅᕙᓂ 1-855-242-3310 ᐅᕝᕙᓘᓐᓃᑦ www.HopeForWellness.ca.
“ᑖᓐᓇ ᑕᐃᒪᐃᖏᓐᓇᕐᓂᐊᖅᑐᖅ ᒋᐅᕆ ᒪᒃᓚᐃᓐᒧᑦ, ᐊᒻᒪᓗ ᒪᒥᓴᕐᓂᖅ, ᓱᓕᔪᒥᒃ ᐅᖃᐅᓯᖃᕐᓂᖅ, ᐊᒻᒪᓗ ᐃᖅᑲᐅᒪᔭᐅᓂᖓ ᓴᖅᑭᓐᓂᐊᖅᑐᖅ ᑐᙵᕕᒋᔭᓂᐊᖅᑐᖅ ᐃᑲᔪᖅᓱᐃᓂᕐᒥᒃ ᐅᓪᓗᒃᑯᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᒥᓂᕐᓄᑦ ᐊᓂᒍᐃᓯᒪᔪᓄᑦ. ᑕᒪᓐᓇ ᐱᔭᕇᕐᓂᐊᖅᑕᕗᑦ ᒋᐅᕆᐅᑉ ᐅᖃᐅᓯᕆᓚᐅᖅᑕᖓ ᒪᓕᓪᓗᒍ: ‘My life is bigger than I am’ (ᐃᓅᓯᕋ ᐊᖏᓂᖅᓴᐅᒻᒪᑦ ᐅᕙᓐᓂ).”
– ᐃᓐᓇᑐᖃᖅ ᑲᓛᑎᐊᑦ ᑲᒫᓐᑕ
ᐊᐅᓚᑦᑎᔨ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᓐᓄᑦ
ᑖᒃᑯᐊ ᑭᖑᕚᔅᓴᓄᑦ ᐃᑲᔫᓯᐊᑦ $200 ᒥᓕᐊᓐ ᑖᓚᐃᑦ ᑕᐃᒃᑯᓄᖓ ᐊᓂᒍᐃᓯᒪᔪᓄᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ, ᕿᑐᕐᖓᖏᓐᓄᑦ ᐃᕐᖑᑕᖏᓐᓄᓪᓗ.
$25,000−ᒧᑦ ᑎᑭᓪᓗᒍ ᓄᓇᓕᓐᓄᑦ ᓇᒻᒥᓂᖅ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᓂᒃ ᓴᖅᑭᑦᑎᖁᓪᓗᒋᑦ.
ᖄᒃᑲᓐᓂᐊᒍᑦ ᑮᓇᐅᔭᑦ, ᐊᑯᓐᓂᖓᓂ $100,000 ᐊᒻᒪ $250,000 (ᐊᑕᐅᓯᐊᕐᓗᒍ ᐊᒻᒪ/ᐅᕝᕙᓘᓐᓃᑦ ᐊᕐᕌᒍᑕᒫᑦ) ᐊᑐᐃᓐᓇᐅᔪᑦ ᐊᑖᓂ ᒪᒥᓴᕐᓂᖅ ᐊᒻᒪ ᖃᓄᐃᙱᑦᑎᐊᕐᓂᖅ, ᐅᖃᐅᓯᖅ ᐊᒻᒪ ᐃᓕᖅᑯᓯᖅ, ᐃᖅᑲᐅᒪᓂᖅ ᐊᒻᒪ ᓱᓕᔪᓂᒃ ᐅᖃᐅᓯᖃᕐᓂᖅ.
ᐊᐱᖅᑯᑎᔅᓴᖃᕈᕕᑦ, ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᑐᑎᑦ ᐅᕙᓂ legacyfund@mdssc.ca ᐅᕝᕙᓘᓐᓃᑦ ᖃᐅᔨᒋᐊᕐᓗᒋᑦ ᐊᐱᖅᑯᑕᐅᒃᑲᔪᑦᑐᑦ ᑐᑭᒧᖅᑎᑦᑎᔪᖅ ᐊᐱᖅᑯᑎᐅᒃᑲᔪᑦᑐᓄᑦ.
