ᑐᓴᓚᐅᕋᑦᑕ ᓄᓇᓖᑦ ᐊᓂᒍᐃᓯᒪᔪᑦ ᐱᕕᔅᓴᖃᒃᑲᓐᓂᕈᒪᓂᕋᖅᑐᑎᒃ ᐱᔭᕇᖅᑕᐅᓇᓱᓐᓂᖓᓄᑦ ᑐᒃᓯᕋᐅᑎ. ᐅᖓᕙᕆᐊᖅᑕᐅᓂᖓ ᓅᕖᕝᕙ 28, 2025−ᒧᑦ ᐱᕕᖃᖅᑎᑦᑎᓂᐊᖅᑐᑦ ᓄᓇᓕᓐᓂ ᐊᐱᖅᑯᑎᒃᓴᖃᖅᐸᑕ, ᓄᐊᑦᑎᓗᑎᑦ ᑎᑎᖅᑲᒃᓴᖏᓐᓂ, ᐊᒻᒪ ᑐᓂᓯᑦᑎᐊᖁᓪᓗᒋᑦ ᐱᐅᔪᒥᒃ.
ᐄ. ᐅᖓᕙᕆᐊᕐᓂᐅᔪᖅ ᐊᑑᑎᖃᖅᑐᖅ ᑕᒪᒃᑮᓐᓄᑦ ᖃᓄᐃᑦᑑᓂᖓᓄᑦ 1 (ᐊᓂᒍᐃᓯᒪᔪᓄᑦ ᑲᑎᒪᔨᕋᓛᒥᒃ ᐋᖅᑭᔅᓱᐃᓂᕐᒥᒃ) ᐊᒻᒪᓗ ᖃᓄᐃᑦᑑᓂᖓ 2 (ᓄᓇᓕᓐᓂ ᐱᓕᕆᐊᒧᑦ ᑮᓇᐅᔭᖃᖅᑎᑦᑎᓂᖅ).
ᓄᓇᓖᑦ ᖃᐅᔨᒃᑲᖅᑕᐅᓂᐊᖅᑐᑦ ᐃᓱᒪᓕᐅᕈᑕᐅᓯᒪᓕᑐᐊᖅᐸᑕ.
ᑲᑎᒪᔩᑦ ᕿᒥᕐᕈᓂᐊᖅᑐᑦ ᑐᒃᓯᕋᐅᑎᓂᒃ ᐊᑕᐅᑎᒃᑯᑦ ᐊᕐᕌᒍ 2026 ᐱᒋᐊᓕᖅᐸᑦ ᑕᐃᒪᓐᓇᓴᐃᓐᓇᖅ ᑐᒃᓯᕋᐅᑎᑦ ᓯᕗᓪᓕᖅᐹᒥᒃ ᑮᓇᐅᔭᓂᒃ ᐱᖁᓪᓗᒋᑦ.
ᐊᓂᒍᐃᓯᒪᔪᓄᑦ ᑐᒃᓯᕋᐅᑎ ᑲᑐᔾᔨᖃᑎᒌᓄᑦ ᐊᒻᒪ ᐊᓂᒍᐃᓯᒪᔪᓄᑦ ᓄᓇᓖᑦ ᐱᕕᖃᖅᑐᑦ ᓅᕖᕝᕙ 28, 2025−ᕈᕋᓱᐊᕐᓂᖓᓄᑦ ᑮᓇᐅᔭᓂᒃ ᑐᒃᓯᕋᐅᑎᒥᒃ.
ᐱᔭᕇᕈᓐᓇᖏᒃᑯᕕᒋᑦ ᑕᑕᑎᕈᑏᑦ, ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᓐᓄᑦ ᐅᕗᖓ legacyfund@mdssc.ca
ᐊᐱᖅᑯᑎᒃᓴᖃᕈᕕᑦ ᐃᕝᕕᑦ ᑐᒃᓯᕋᐅᑎᖓᑕ ᒥᑦᓵᓄᑦ, ᖃᐅᔨᒋᐊᕈᓐᓇᖅᑐᑎ ᐊᑭᓕᐅᓯᐊᒃᓴᓄᑦ ᑐᑭᒧᐊᖅᑎᑦᑎᔨᒧᑦ ᐅᖄᓚᓗᑎᑦ ᐅᕗᖓ 1-888-221-2898 ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ indiandayschools@deloitte.ca ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᐃᑭᐊᖅᑭᕕᒃ ᐅᕙᓂ www.indiandayschoolsclaims.com.
ᐄ, ᖃᐅᔨᒋᐊᕐᕕᒋᓗᒍ ᒪᒃᓚᐃᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᒃᑯᑦ ᐊᓪᓚᕝᕕᖓ ᐅᕙᓂ legacyfund@mdssc.ca.
ᑐᔅᓯᕋᐅᑎᓕᐅᕈᑎᓕᒫᑦ ᓯᕗᓕᖅᐹᖏᓐᓂ ᑮᓇᐅᔭᖃᖅᑎᑕᐅᓂᕐᒧᑦ ᐱᔭᐅᔪᑦ ᐃᓱᓕᕝᕕᖓᓂ ᖃᐅᔨᓴᖅᑕᐅᓂᖃᕐᓂᐊᖅᑐᑦ ᐅᑭᐅᒃᑯᑦ 2026. ᓂᕆᐅᒋᔭᐅᔪᖅ ᑖᒃᑯᐊ ᑲᑎᒪᔩᑦ ᖃᐅᔨᒋᐊᕐᕕᖃᕐᓂᐊᖅᑐᑦ ᑲᔪᓯᓂᖃᑦᑎᐊᖅᑐᓂᑦ ᑐᔅᓯᕋᐅᑎᓕᐅᖅᑐᓂᑦ ᐅᐱᕐᖓᔅᓵᖓᓂ 2026 ᐊᒻᒪ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᕈᑏᑦ ᓴᓇᔭᐅᓂᐊᖅᑐᑦ ᐊᑐᓂ ᓄᓇᓕᓐᓄᑦ.
ᐱᒻᒪᕆᐅᔪᖅ ᓇᓗᓇᐃᕐᓗᒍ ᐊᑕᖏᕐᓇᑎᒃ ᑐᔅᓯᕋᐅᑎᓕᐅᕈᑏᑦ ᑮᓇᐅᔭᖃᖅᑎᑕᐅᔾᔮᖏᑦᑐᑦ. ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᑦ ᑲᑎᒪᔨᖏᑦ ᐊᑐᓂ ᑮᓇᐅᔭᖃᖅᑎᑕᐅᓂᐊᖅᑐᑦ ᐱᔪᓐᓇᖅᑎᑕᐅᓂᖏᓐᓄᑦ ᐋᖅᑭᔅᓯᒪᔪᓂᑦ ᑐᔅᓯᕋᐅᑎᓕᐅᕈᑎᒥᑦ ᑕᑕᑎᕆᐊᓕᒻᒥᑦ.
ᐃᑲᔪᖅᑐᐃᔪᒥᒃ ᑎᑎᖅᑲᒥ ᐱᔪᓐᓇᖏᒃᑯᕕᑦ, ᐅᖄᓚᒍᓐᓇᖅᑐᑎᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᒪᒃᓚᐃᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕆᓴᒃᑯᑦ ᐅᕗᖓ legacyfund@mdssc.ca
ᒫᓐᓇ, ᐱᓕᕆᐊᓪᓗᐊᑕᖃᖅᑐᒍᑦ ᓯᕗᓪᓕᖅᐹᖏᓐᓂ ᑮᓇᐅᔭᖃᖅᑎᑦᑎᓂᕐᒧᑦ. ᑐᖏᓕᖏᓐᓄᑦ ᒪᑐᐃᓛᖅᑐᑦ ᐅᐊᑦᑎᐊᕈᒃᑲᓐᓂᖅ ᐅᓪᓗᖓ. ᖃᐅᔨᒋᐊᕐᕕᒋᓗᒍ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᕗᑦ ᑐᑭᓯᒋᐊᕈᑎᔅᓴᒃᑲᓐᓂᕐᓄᑦ ᐊᒻᒪ ᑐᑯᑭᓯᒋᐊᕈᑎᓄᑦ.
ᑭᓯᐊᓂ ᕿᒥᕐᕈᔭᐃᓐᓇᕆᒎᕈᑦᑎᒍᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᔅᓯᕋᐅᑎᓕᐅᕈᑏᑦ, ᖃᐅᔨᒪᔾᔮᖏᑦᑐᒍᑦ ᐊᖏᓂᖏᓐᓄᑦ.
ᓂᐱᖏᑦ ᐊᓂᒍᐃᓯᒪᔪᑦ ᐃᓚᖏᓪᓗ ᑐᙵᕕᓪᓗᐊᕆᔭᐅᒻᒪᑦ ᐱᓕᕆᐊᖑᔪᓄᑦ ᑖᒃᑯᓄᖓ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᓐᓄᑦ ᐊᒻᒪᓗ ᐱᒻᒪᕆᐅᓚᐅᖅᑐᖅ ᓄᐊᑦᑎᓂᐅᔪᖅ ᐅᖃᐅᓯᔅᓴᕆᔭᐅᔪᓂᒃ ᐊᒻᒪᓗ ᑭᐅᔾᔪᑎᖏᓐᓂᒃ ᖃᓄᖅ ᐱᐅᓂᖅᐹᒃᑯᑦ ᐃᑲᔪᖅᑐᐃᔪᓐᓇᕐᒪᖔᑕ ᒪᒥᓴᕐᓂᕆᔭᖏᓐᓂᒃ ᑕᕝᕘᓇ ᑭᖑᕚᔅᓴᓄᑦ ᐃᑲᔫᓯᐊᑎᒍᑦ.
ᑕᐃᒪᓐᓇ ᑎᑭᐅᑎᓇᓱᑦᑐᑕ, ᐊᑯᓂᒻᒪᕆᒃ ᐊᔾᔨᒌᖏᑦᑐᓂᓪᓗ ᐱᓕᕆᖃᑎᖃᓚᐅᖅᑐᒍᑦ. ᑕᐃᒪᐃᓐᓂᖓᓄᑦ, ᐋᖅᑭᔅᓱᐃᓚᐅᖅᑐᒍᑦ ᓄᓇᓕᓐᓂ ᑐᙵᕕᓕᒻᒥᒃ ᐱᓕᕆᔾᔪᓯᕐᒥᒃ ᐅᑉᐱᕈᓱᑉᐳᒍᑦ ᒪᓕᑦᑎᐊᕐᓂᖓᓂᒃ ᑐᓴᓚᐅᖅᑕᑦᑎᓐᓂᒃ ᐊᓂᒍᐃᓯᒪᔪᓂᒃ.
6 ᖃᕆᓴᐅᔭᒃᑯᑦ ᐊᕕᑦᑐᓯᒪᔪᓂᒃ ᐊᒻᒪ ᑲᓇᑕᒥ ᐃᓚᐅᑎᑦᑎᓂᒃᑯᑦ, ᐱᓕᕆᐊᕆᔭᐅᓚᐅᖅᑐᑦ ᕿᑎᐊᓂ ᓅᕖᕝᕙ 2021−ᒥ ᕕᕝᕗᐊᕆ 2022−ᒧᑦ ᐊᒻᒪᓗᑦᑕᐅᖅ ᖃᕆᓴᐅᔭᒃᑯᑦ ᖃᐅᔨᓴᕐᓂᒃᑯᑦ. ᐊᓯᐊᒍᑦ ᖃᕆᓴᐅᔭᒃᑯᑦ ᐊᕕᑦᑐᖅᓯᒪᔪᓂᒃ ᐊᒻᒪ ᑲᓇᑕᒥ ᐃᓚᐅᑎᑦᑎᓂᕐᒥᒃ, ᐊᓂᒍᐃᓯᒪᔪᑦ ᐊᒻᒪ ᖃᑕᙳᑎᖏᑦ ᐅᖃᐅᓯᖃᓚᐅᖅᑐᑦ ᑭᐅᔾᔪᑎᒋᔭᒥᓂᒃ ᑭᖑᕚᔅᓴᓄᑦ ᐃᑲᔫᓯᐊᑦ ᒥᔅᓵᓄᑦ ᑭᐅᑲᑕᖅᑐᑎᒃ ᐊᐱᖅᑯᑎᓂᒃ ᐊᑐᐃᓐᓇᐅᑎᑕᐅᔪᑦ ᖃᕆᑕᐅᔭᒃᑯᑦ ᐱᔭᕇᖅᑕᐅᓇᓱᓐᓂᖓᓂᒃ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᑦ ᐃᑭᐊᖅᑭᕕᖓ. ᐅᖃᐅᓯᕆᔭᐅᔪᑦ ᓇᓗᓇᐃᖅᓯᓚᐅᖅᑐᑦ ᑮᓇᐅᔭᐃᑦ ᑐᕌᖅᑎᑕᐅᔭᕆᐊᖃᕐᒪᑕ ᐊᑦᑐᖅᑕᐅᓯᒪᔪᓄᑦ ᓄᓇᓕᓐᓄᑦ, ᐃᑲᔪᖅᓱᖅᑕᐅᓗᑎᒃ ᑐᔅᓯᕋᐅᑎᓕᐅᖅᑎᓪᓗᒋᑦ, ᐊᒻᒪᓗ ᐊᕕᑦᑐᖅᑕᐅᑦᑎᐊᕐᓗᑎᒃ ᐊᒻᒪᓗ ᐊᑐᖅᑕᐅᑦᑎᐊᕐᓗᑎᒃ.
ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑲᑎᒪᔩᑦ ᒥᔅᓵᓄᑦ ᐅᕙᓂ www.mcleanlegacyfund.ca.
ᑲᑎᒪᔩᑦ ᕿᒥᕐᕈᓂᐊᖅᑐᑦ ᑐᔅᓯᕋᐅᑎᓂᒃ ᐊᒻᒪ ᐃᓯᒪᓕᐅᕆᓕᕐᓗᑎᒃ ᑮᓇᐅᔭᖅᑖᖅᑎᑕᐅᓂᐊᖅᑐᓂᒃ.
ᑐᓂᓯᓂᐊᖅᐳᑎᑦ ᑐᑭᓯᒋᐊᕈᑎᔅᓴᓂᑦ ᐱᒻᒪᕆᐅᓱᒋᔭᕐᓂᑦ ᐃᕝᕕᑦ ᑐᔅᓯᕋᐅᑎᖓᓂ ᑮᓇᐅᔭᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒋᑦ ᒪᒃᓚᐃᓐ ᐅᓪᓗᒃᑯᑦ ᐃᓕᓐᓂᐊᕐᕕᓄᑦ ᐊᖏᖃᑎᒌᒍᑎᒧᑦ ᑯᐊᐳᕇᓴᒃᑯᑦ ᐅᕙᓂ legacyfund@mdssc.ca
ᑮᓇᐅᔭᑦ ᐊᑕᖏᕐᓗᑎᒃ ᐊᑕᐅᓯᐊᖅ ᐊᕐᕌᒍᑕᒫᑦ ᐊᑭᓕᖅᑕᐅᖃᑦᑕᓂᐊᖅᑐᑦ. ᐆᑦᑑᑎᒋᓗᒍ, ᓄᓇᓕᒃ ᐊᖏᖅᑕᐅᒍᓂ ᐊᕐᕌᒍᓄᑦ ᐱᖓᓱᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐋᖅᑭᑦᑕᐅᓯᒪᔪᒥᒃ, ᐊᑕᐅᓯᐊᕐᓗᑎᒃ ᐊᑭᓕᖅᑕᐅᒐᔭᖅᑐᑦ ᐊᕐᕌᒍᒥ ᓯᕗᓪᓕᕐᒥ, ᐊᑕᐅᓯᐊᕐᓗᑎᒃ ᐊᑭᓕᐅᑎᒥᑦ ᐊᕐᕌᒍᒥ ᐊᐃᑉᐸᖓᓂ, ᐊᒻᒪᓗ ᑭᖑᓪᓕᖅᐹᒥᑦ ᐊᑭᓕᐅᑎᒥᑦ ᐊᕐᕌᒍᒥ ᐱᖓᔪᐊᓂᑦ.
ᑕᐅᑐᒐᕆᒻᒪᒍ ᑲᑎᒪᔩᑦ ᓄᓇᓖᑦ ᓇᒥᑐᐃᓐᓈᖅᑐᑦ ᑲᓇᑕᒥ ᐊᔾᔨᒌᒥᒃ ᐱᕕᖃᖅᑎᑕᐅᖁᔭᑦ ᑮᓇᐅᔭᖃᖅᑎᑕᐅᓂᕐᒧᑦ. ᐃᓚᒋᔭᖓ ᑕᐅᑐᒐᐅᑉ ᐃᓱᒪᔅᓴᖅᓯᐅᕈᑎᖃᑦᑎᐊᕐᓂᖅ ᐊᒻᒪᓗ ᐃᓱᒪᔅᓴᖅᓯᐅᕈᑎᖃᑦᑎᐊᕐᓂᖅ ᑮᓇᐅᔭᓂᒃ ᑐᓂᓯᖃᑦᑕᕐᓂᖅ ᓄᓇᓕᓕᒫᓄᑦ, ᓄᓇᒥ, ᐃᓕᖅᑯᓯᖃᖅᑐᓕᒫᓄᑦ.
ᑲᑎᒪᔩᑦ ᓇᒻᒥᓂᖅ ᓄᖅᑲᕐᓂᐊᖅᑐᑦ ᐊᖏᕐᕋᕆᔭᒥᓂᒃ ᓄᓇᓖᑦ ᐅᕝᕙᓘᓐᓃᑦ ᓇᓕᐊᑐᐃᓐᓇᖅ ᓄᓇᓕᒃ ᐃᓱᒪᒋᔭᐅᔪᖅ ᐊᑲᐅᙱᓕᐅᕈᑎᖃᕐᓂᕋᖅᑕᐅᑉᐸᑦ.
ᐊᓂᒍᐃᓯᒪᔪᓄᑦ ᑲᑎᒪᔨᕋᓛᖏᑦ ᐊᔾᔨᒌᖏᑦᑐᓂᒃ ᐊᒥᓱᓂᒃ ᐱᓕᕆᐊᖃᖅᐸᑦᑐᑦ, ᐃᓚᒋᔭᐅᓪᓗᓂ ᑲᑎᒪᖃᑎᖃᕐᓂᖅ ᐊᒻᒪ ᖃᐅᔨᒋᐊᕐᕕᖃᕐᓂᖅ ᐊᓂᒍᐃᓯᒪᔪᓂᒃ ᓱᓇ ᐱᓕᕆᐊᖅ ᐃᑲᔪᖅᑐᐃᓂᖅᓴᐅᔪᓐᓇᕐᒪᖔᖅ ᒪᒥᓴᕈᑎᒋᔭᐅᔪᒧᑦ. ᐃᓚᖏᑦ ᓄᓇᓖᑦ ᑐᕌᒐᖃᑐᐃᓐᓇᕆᐊᖃᖅᑐᑦ ᒪᒥᓴᕐᓂᕐᒥᒃ ᐊᒻᒪ ᖃᓄᐃᙱᑦᑎᐊᕐᓂᕐᒥᒃ, ᐃᓚᖏᑦ ᓄᓇᓖᑦ ᐃᖅᑲᐅᒪᓂᖅ ᐱᒻᒪᕆᒋᔭᐅᓂᖅᓴᐅᑐᐃᓐᓇᕆᐊᓖᒃ. ᑕᒪᕐᒥᓕᒫᖅ, ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᐱᓕᕆᖃᑎᖃᖃᑦᑕᖅᑐᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓂᒃ ᐊᓂᒍᐃᓯᒪᔪᓂᒃ ᑐᑭᓯᐅᒪᖁᓪᓗᒋᑦ ᑭᓱᑦ ᐱᓕᕆᐊᔅᓴᑦ ᐊᒻᒪ ᐃᑲᔪᖅᓱᐃᔾᔪᑏᑦ ᐱᐅᓂᖅᐹᖑᒻᒪᖔᑕ ᓄᓇᓕᖏᓐᓄᑦ.
ᑲᑎᒪᔨᕋᓛᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓄᓐᓄᑦ ᕿᓂᖅᑐᓂᑦ ᓈᒻᒪᓂᖃᓕᕐᓂᕐᒧᑦ, ᒪᒥᓴᕐᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐅᕝᕙᓘᓐᓃᑦ ᖃᓄᐃᙱᑦᑎᐊᕐᓂᕐᒧᑦ. ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᐊᔾᔨᒌᖏᒍᓐᓇᖅᑐᑦ, ᐊᔾᔨᐅᖏᑦᑐᓂᒃ ᐱᔭᐅᔪᒪᓂᖃᖅᑐᓂᒃ ᓄᓇᓕᓐᓂ ᑲᓇᑕᓕᒫᒥᒃ.ᐱᒋᐊᕐᓗᓂ, ᓄᓇᓕᒃ ᖃᐅᔨᒋᐊᕈᓐᓇᖅᑐᑦ ᓄᓇᓕᓐᓂ ᐊᓂᒍᐃᓯᒪᔪᓂᒃ ᑐᓴᕐᕕᒋᓗᒋᑦ ᐱᔭᐅᔪᒪᓂᐅᔪᓂᒃ ᐊᒻᒪ ᖃᓄᐃᑦᑐᒥᒃ ᑲᑎᒪᔨᕋᓛᖅᑖᕈᒻᒪᒻᒪᖔᑕ. ᐃᓚᖏᑦ ᓄᓇᓖᑦ ᐃᑲᔪᖅᑎᖃᑎᒌᒋᐊᖃᑐᐃᓐᓇᕆᐊᖃᖅᑐᑦ, ᐃᓚᖏᑦ ᓄᓇᓖᑦ ᑲᑐᔾᔨᖃᑎᒌᓂᒃ ᐱᔪᒪᑐᐃᓐᓇᕆᐊᖃᖅᑐᑦ ᖃᑎᖃᑦᑕᓂᐊᕐᓗᑎᒃ ᐊᒻᒪᓗ ᓄᓇᒦᖃᑦᑕᕐᓗᑎᒃ, ᓄᐊᑦᑎᓗᑎᒃ ᒪᒥᓴᐅᑎᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓕᕆᐊᔅᓴᓂᒃ. ᐃᓚᖏᑦ ᓄᓇᓖᑦ ᐋᖅᑭᓱᖅᓯᒪᓂᖅᓴᒥᒃ ᐱᔪᒪᑐᐃᓐᓇᕆᐊᖃᖅᑐᑦ.ᐱᒋᐊᕈᓐᓇᖅᑐᑎᑦ ᑐᓴᕐᕕᒋᓗᒋᑦ ᐊᓂᒍᐃᓯᒪᔪᑦ ᐊᒻᒪ ᑕᕝᕙᙵᑦ ᐱᒋᐊᓕᕐᓗᑎᑦ.
ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᐋᖅᑭᔅᓯᒪᓂᖃᑦᑎᐊᑐᐃᓐᓇᕆᐊᓖᑦ, ᐋᖅᑭᑦᑕᐅᓗᑎᒃ ᑲᑐᔾᔨᖃᑎᒌᑎᒍᑦ ᐊᓂᒍᐃᓯᒪᔪᓄᑦ ᒪᓕᒐᖃᕐᓗᑎᒃ ᐊᐅᓚᑦᑎᓂᕐᒧᑦ, ᑲᑎᒪᓂᕐᒧᑦ ᐊᒻᒪᓗ ᓵᑕᔅᓴᐅᓂᕐᒧᑦ ᐊᓂᒍᐃᓯᒪᔪᓄᑦ ᓄᓇᓕᐅᔪᓄᑦ. ᐃᓚᖏᓐᓂᑦ, ᓄᓇᓖᑦ ᐋᖅᑭᔅᓯᒪᓂᖃᙱᓂᖅᓴᒥᒃ ᐊᓂᒍᐃᓯᒪᔪᓄᑦ ᑲᑐᔾᔨᖃᑎᒌᖃᑐᐃᓐᓇᕆᐊᖃᖅᑐᑦ ᑭᒡᒐᖅᑐᐃᓗᑎᒃ ᓄᓇᓕᒻᒥᓂᒃ ᐊᒻᒪ ᐱᒋᐊᖅᑎᑦᑎᓗᑎᒃ ᐃᑲᔪᖅᓱᐃᓂᕐᒥᒃ. ᑖᒃᑯᐊ $25,000 ᑮᓇᐅᔭᑦ ᐊᓂᒍᐃᓯᒪᔪᑦ ᓄᓇᓕᓐᓄᑦ ᐃᑲᔫᑕᐅᓇᓱᐊᖅᑐᑦ ᐊᑭᓕᖅᓱᐃᓗᑎᒃ ᐊᑭᓕᖅᓱᕆᐊᓕᓐᓂᒃ ᓴᖅᑮᓕᕐᓂᒃ ᑲᑎᒪᔨᕋᓛᓂᒃ ᓲᕐᓗ ᑲᑎᒪᔾᔪᓯᐊᑦ ᐃᓐᓇᑐᖃᕐᓄᑦ, ᑲᑎᒪᓂᕐᒧᑦ ᐊᑭᓕᖅᓱᕆᐊᓖᑦ, ᐃᓪᓘᑉ ᐃᓂᖓᓄᑦ, ᐊᑐᖅᑐᐊᕈᑎᓄᑦ, ᓂᕆᔾᔪᑎᓄᑦ, ᐊᓯᖏᓐᓄᓪᓗ.
ᐊᑕᐅᓯᖅ ᓄᓇᓕᒃ ᐊᑕᐅᓯᕐᒥᒃ ᐱᓇᓱᔪᓐᓇᖅᑐᖅ. ᐊᑐᓂ ᓄᓇᓖᑦ ᐃᓱᒪᖅᓴᖅᓯᐅᕆᐊᖃᕐᓂᐊᖅᑐᑦ ᓇᓕᐊ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᖅ ᑐᓂᔭᐅᓂᐊᕐᒪᖔᖅ ᓄᓇᓕᖓᓄᑦ.
ᑮᓇᐅᔭᑦ ᑐᕌᖓᒻᒪᑕ ᓄᓇᓕᓐᓄᑦ, ᐊᒥᓲᓂᖏᓐᓅᖏᑦᑐᖅ ᐃᓕᓐᓂᐊᕐᕖᑦ. ᐅᓇ ᑐᑭᖃᖅᑐᖅ ᐊᑐᓂ ᐊᓂᒍᐃᓯᒪᔪᓄᑦ ᓄᓇᓖᑦ ᐱᓇᓱᔪᓐᓇᕐᓂᐊᖅᑐᑦ ᑐᔅᓯᕋᐅᑎᒥᒃ ᐊᑭᖃᖅᑐᒥᒃ $25,000 ᐱᒋᐊᖅᑎᔾᔪᑕᐅᓂᐊᕐᓗᓂ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᒥᒃ. ᓄᓇᓕᒃ ᐊᑕᐅᓯᐅᖏᑦᑐᒥᒃ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᖃᖅᐸᑕ, ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᑭᒡᒐᖅᑐᐃᓇᓱᒋᐊᖃᖅᑐᖅ ᐊᓂᒍᐃᓯᒪᔪᓕᒫᓂᒃ ᐃᓕᓐᓂᐊᕐᕕᓕᒫᒦᕐᖔᖅᓯᒪᔪᓂᒃ.
ᑖᒃᑯᐊ $25,000 ᑮᓇᐅᔭᑦ ᐊᓂᒍᐃᓯᒪᔪᓄᑦ ᓄᓇᓕᓐᓄᑦ ᐃᑲᔫᑕᐅᓂᐊᖅᑐᑦ ᐊᑭᓕᖅᓱᐃᓂᕐᒥᒃ ᑲᑎᒪᔾᔪᓯᐊᓄᑦ ᐃᓐᓇᑐᖃᕐᓄᑦ, ᑲᑎᒪᔾᔪᑎᔅᓴᓄᑦ, ᐃᓪᓘᑉ ᐃᓂᖓᓄᑦ, ᐊᑐᖅᑐᐊᕈᑎᓄᑦ, ᓂᕆᔭᔅᓴᓄᑦ, ᐊᓯᖏᓐᓄᓪᓘᓐᓃᑦ ᐊᑭᓕᖅᓱᕆᐊᓕᓐᓄᑦ ᐊᕝᕕᐊᕈᑕᐅᕙᑦᑐᓄᑦ ᓴᖅᑭᑦᑎᓇᓱᑦᑎᓪᓗᒋᑦ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᓂᒃ.
ᐋᒡᒐ, ᑭᓯᐊᓂᓕ ᑐᔅᓯᕋᐅᑎᒥᒃ ᐱᓇᓱᔪᓐᓇᖅᑐᑎᑦ ᑮᓇᐅᔭᓂᒃ ᖃᓄᐃᑦᑑᓂᖓ 2 ᐊᑖᓂ.
ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᑮᓇᐅᔭᒃᑯᕕᖃᕆᐊᖃᖅᑐᑦ ᑮᓇᐅᔭᓂᒃ ᐱᓇᓱᓐᓂᐊᖅᐸᑕ. ᑮᓇᐅᔭᒃᑯᕕᖃᖏᒃᑯᕕᑦ, ᑮᓇᐅᔭᒃᑯᕕᒥᒃ ᐋᖅᑭᔅᓯᔭᕆᐊᖃᖅᑐᑎᑦ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᐊᑎᖓᑕ ᐊᑖᓂ, ᐊᒻᒪ ᐱᖓᓱᓂᒃ ᐊᑎᓕᐅᖅᑎᖃᕆᐊᖃᖅᑐᓯ.
ᐄ, ᐊᓂᒍᐃᓯᒪᔪᓄᑦ ᑐᒃᓯᕋᐅᑎᓕᐅᖅᑐᑦ ᐱᓇᓱᔪᓐᓇᖅᑐᑦ ᑮᓇᐅᔭᓂᒃ $25,000−ᓚᓂᒃ ᐊᑖᓂ ᖃᓄᐃᑦᑑᓂᖓ 1 ᐊᒻᒪ ᐱᓕᕆᐊᓄᑦ ᑮᓇᐅᔭᓂᒃ ᐊᑖᓂ ᖃᓄᐃᑦᑑᓂᖓ 2. ᑭᓯᐊᓂᓕ ᐋᖅᑭᔅᓯᒪᔭᕇᖅᑐᑦ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᑦ ᑐᒃᓯᕋᕈᓐᓇᖏᑦᑐᑦ $25,000-ᓂᒃ ᐊᑕᐅᓯᐊᕐᓗᓂ ᑮᓇᐅᔭᓂᒃ.
ᐊᖏᕈᑎᑕᖃᕐᓂᐊᖅᑐᖅ ᐸᓯᔭᔅᓴᐅᓂᕐᒧᑦ ᑕᑕᑎᕆᐊᓕᒻᒥᒃ ᐊᑎᓕᐅᖅᑕᐅᔭᕆᐊᖃᖅᑐᓂ ᐊᓂᒍᐃᓯᒪᔪᓄᑦ ᑲᑎᒪᔨᕋᓛᓄᑦ ᐅᕝᕙᓘᓐᓃᑦ ᐊᓂᒍᐃᓯᒪᔪᓄᑦ ᑐᔅᓯᕋᐅᑎᓕᐅᖅᑎᓄᑦ ᑲᑐᔾᔨᖃᑎᒌᓄᑦ.
ᐱᓕᕆᐊᒧᑦ ᑮᓇᐅᔭᑦ ᐊᑐᖅᑕᐅᔪᓐᓇᖅᑐᑦ ᐅᑯᓄᖓ:
ᐱᔨᑦᑎᕋᐅᑏᑦ ᑲᔪᓯᑎᑕᐅᓂᖏᑦ (ᓲᕐᓗ, ᒪᒥᓴᕐᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᑐᙵᕕᖓ, ᑮᓇᐅᔭᑦ ᐊᑐᖅᑕᐅᔪᓐᓇᕐᓂᐊᖅᑐᑦ ᖃᐅᔨᒪᔨᑕᕐᓂᒃ ᐱᓕᕆᔨᓪᓚᕆᓐᓂᓪᓘᓐᓃᑦ ᒪᒥᓴᖅᑎᑦᑎᖁᓪᓗᒋᑦ)
ᐃᓕᓐᓂᐊᕐᕖᑦ ᐊᓂᒍᐃᓯᒪᔪᓄᑦ ᓄᓇᓖᑦ. ᓇᓗᓇᐃᔭᖅᓯᒪᔪᑦ ᒪᓕᑦᑕᐅᔭᕆᐊᓖᑦ ᒪᓕᑦᑕᐅᔭᕆᐊᖃᖅᑐᑦ ᐊᑐᓂ ᐊᓂᒍᐃᓯᒪᔪᓄᑦ ᑐᔅᓯᕋᐅᑎᓕᐅᖅᑐᓄᑦ ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᐊᓂᒍᐃᓯᒪᔪᓄᑦ ᓄᓇᓕᓐᓂ ᑐᔅᓯᕋᐅᑎᓕᐅᕐᓂᐊᕈᑎᒃ ᑮᓇᐅᔭᓂᒃ.
ᑭᓯᐊᓂ ᐃᓕᓴᕆᔭᐅᓯᒪᔪᑦ ᐊᓂᒍᐃᓯᒪᔪᓄᑦ ᑐᔅᓯᕋᐅᑎᓕᐅᖅᑐᓄᑦ ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᓄᓇᓖᑦ ᑐᔅᓯᕋᕈᓐᓇᖅᑐᑦ ᑮᓇᐅᔭᓂᒃ.
ᓄᓇᓖᑦ ᑭᓯᐊᓂ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᖃᓚᐅᖅᑐᑦ ᐊᓪᓚᓄᑦ ᓄᓇᓕᕋᓛᖏᓐᓂ, ᑎᑎᕋᖅᑲᓕᐊᖑᓯᒪᔪᑦ ᑎᑎᕋᖅᓯᒪᔪᑦ K-ᒥᒃ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᓂᒃ ᐊᖏᖃᑎᒌᒍᑎᖃᖅᑐᑦ ᐱᓇᓱᔪᓐᓇᖅᑐᑦ.
ᐃᓄᒃ ᐊᑕᐅᓯᖅ ᐊᓂᒍᐃᓯᒪᔪᖅ, ᐅᕝᕙᓘᓐᓃᑦ ᑲᑐᔾᔨᔪᑦ ᐃᓄᐃᑦ, ᐱᓇᓱᔪᓐᓇᖅᑎᑕᐅᖏᑦᑐᑦ ᑮᓇᐅᔭᓂᒃ ᐃᓄᑑᓗᑎᒃ. ᐃᓚᒋᔭᐅᔭᕆᐊᖃᖅᑐᑦ ᐊᓂᒍᐃᓯᒪᔪᓄᑦ ᑲᑐᔾᔨᖃᑎᒌᑦ ᑐᔅᓯᕋᖅᑐᒥᒃ ᐅᕝᕙᓘᓐᓃᑦ ᓄᓇᓕᒻᒥ.
ᐊᓂᒍᐃᓯᒪᔪᓄᑦ ᑐᔅᓯᕋᐅᑎ ᑲᑐᔾᔨᖃᑎᒌᑦ ᑐᔅᓯᕋᕈᓐᓇᖅᑐᑦ ᐊᑕᐅᓯᕐᒧᑦ ᑐᙵᕕᒧᑦ ᐱᔪᒪᔭᒥᓂᒃ ᓯᕗᓪᓕᐹᒥᒃ 1−ᒥ. ᐱᕕᔅᓴᖅᑕᖃᕐᓂᐊᖅᑐᖅ ᑐᔅᓯᕋᐅᑎᓕᐅᕈᓐᓇᕐᓂᕐᒧᑦ ᐊᓯᐊᒍᑦ ᑐᙵᕕᐅᑉ ᑭᖑᓪᓕᕐᒥ.
ᐅᓪᓗᒃᑯᑦ ᐃᓕᓐᓂᐊᖅᑎᐅᔪᑦ, ᐃᓄᐃᑦ ᐃᓕᓐᓂᐊᕆᐊᖃᑦᑕᓚᐅᖅᑐᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᕐᕕᖏᓐᓄᑦ, ᑭᓯᐊᓂᓕ ᑕᐃᑲᓂ ᓯᓂᖃᑦᑕᓚᐅᙱᑦᑐᑦ ᐅᓐᓄᐊᒃᑯᑦ, ᐃᓚᒋᔭᐅᔪᑦ ᒐᕙᒪᑐᖃᒃᑯᑦ ᐊᓪᓚᐃᑦ ᐅᓪᓗᒃᑯᑦ ᐃᓕᓐᓂᐊᖅᑎᓄᑦ ᐊᖏᖃᑎᒌᒍᑎᒧᑦ ᐅᕙᓂ https://www.justicefordayscholars.com/. ᐅᓪᓗᒃᑯᑦ ᐃᓕᓐᓂᐊᖅᑎᐅᔪᑦ ᓇᒻᒥᓂᖅ ᐊᖏᖃᑎᒌᒍᑎᒧᑦ ᐊᒻᒪᓗ ᐆᒻᒪᖅᑎᑦᑎᓂᕐᒧᑦ ᑮᓇᐅᔭᖃᖅᐳᑦ. ᑕᑯᓗᒍ https://www.dsrsociety.ca/ ᖃᐅᔨᒋᐊᒃᑲᓐᓂᕈᒪᒍᕕᑦ.
